የጤና ኤክሰቴንሽን ፍኖተ ካርታ

የጤና ኤክስቴንሽን ፕሮገራም ሥራዎችን ዉጤታማ ለማድረግ የጤና ኤክስቴንሽን ፕሮግራም ማሻሻያ ፍኖተ ካርታ ተግባራዊ ማድረግ ወሳኝ መሆኑን የቤኒሻንጉል ጉሙዝ ክልል መንግስት ጤና ቢሮ ገለፀ ። (21/8/2017ዓ.ም) በጤና ኤክስቴንሽን ፕሮግራም ማሻሻያ ፍኖተ ካርታ ትግበራ ላይ ያተኮረ ስልጠና ከዳንጉርና ከፖዌ ለተወጣጡ የጤና ባለሙያዎች ስልጠና እየተሰጠ ይገኛል ። በሀገር አቀፍ ደረጃ የተዘጋጀዉን የጤና ኤክሰቴንሽን ፕሮግራም ማሻሻያ ፍኖተ-ካርታ በክልሉ ተግባራዊ ለማድረግ ለሚመለከታቸው አካላት ፕሮግራሙን የማስተዋወቅና በተመረጡ ወረዳዎች ተግባራዊ እያደረገ ይገኛል ። ይህንን በፖይለት ደረጃ በተወሰኑ ወረዳዎች የተጀመረዉን ፕሮግራም ወደ ሌሎች ወረዳዎች ለማስፋት በቀጣይ ፕሮግራሙ ሊተገበርባቸዉ ከታቀዱ ወረዳዎች ከጤና ጽ/ቤት፣ከጤና ጣቢያና ከጤና ኬላ ለተወጣጡ የጤና ባለሙያዎች ስልጠናው እንደሚሰጥ በቤኒሻንጉል ጉሙዝ ክልል ጤና ቢሮ የጤና ኤክስቴንሽን ፕሮግራም ቡድን መሪ አቶ ግሩም ባዩ ገልጸዋል ። ስልጠናው የሚሰጠው በእናቶችና ህፃናት ጤና፣በበሽታ መከላከል፣በሀይጅንና ሳንቴሽንና በመረጃ ሥርዓት ላይ እንደሚሰጥ የገለፁት አቶ ግሩም የስልጠናው ዋና ዓላማ በጤና ጣቢያዎች ብቻ ይሰጡ የነበሩ አገልግሎቶችን ወደ ጤና ኬላ ለማዉረድ የታሰበ መሆኑን ገልጸዋል ።